Dharmaraj Kar Siddh Kaaj
Dharmaraj kar siddh kaaj, Prabhu main sharanagat hoon teri.
Padi naav majhdaar bhavnar mein, Paar karo, na karo deri.
॥ Dharmaraj kar siddh kaaj..॥
Dharmalok ke tum swami, Shri Yamaraj kehlate ho.
Jon jon prani karm karte hain, Tum sab likhte jaate ho.
Ant samay mein sabhi ko, Tum doot bhej bulaate ho.
Paap punya ka saara lekha, Unko baanch sunte ho.
Bhugatate ho prani ko tum, Lakh chaurasi ki pheri.
॥ Dharmaraj kar siddh kaaj..॥
Chitragupt hain lekhak tumhare, Furti se likhne wale.
Alag alag se sab jeevon ka, Lekha jokha lene wale.
Paapi jan ko pakad bulaate, Narkon mein dhaane wale.
Bure kaam karne walon ko, Khoob saza dene wale.
Koi nahi bach paata na, Yayi niti aisi teri.
॥ Dharmaraj kar siddh kaaj..॥
Doot bhayankar tere swami, Bade bade dar jaate hain.
Paapi jan to jinhe dekhte hi, Bhaye se tharrate hain.
Baandh galle mein rassi ve, Paapi jan ko le jaate hain.
Chabuk maar laate, Zara raham nahi mann mein laate hain.
Nark kund bhugatate unko, Nahi milti jisme seeri.
॥ Dharmaraj kar siddh kaaj..॥
Dharmi jan ko Dharmaraj, Tum khud hi lene aate ho.
Saadar le jaakar unko tum, Swarg dhaam pahuchate ho.
Jon jan paap kapat se dar kar, Teri bhakti karte hain.
Nark yaatna kabhi na karte, Bhavsagar tarte hain.
Kapil Mohan par kripa kariye, Japata hoon teri maala.
॥ Dharmaraj kar siddh kaaj..॥